“OEMVP hap kampanjën e 20-vjetorit: 2 dekada rrugëtim i përbashkët, fillojnë me një marsh simbolik drejt Ujëvarave të Kamjanit”

Data:

Shpërndaje:

 

Sot, në një atmosferë frymëzuese mes bukurive natyrore të Ujëvarave të Kamjanit, Oda Ekonomike e Maqedonisë Veri-Perëndimore hapi zyrtarisht kampanjën për shënimin e 20-vjetorit të themelimit me një marsh simbolik që do të mbetet në kujtesë si fillimi i një kapitulli të ri për Odën dhe anëtarësinë e saj.

Në këtë marsh të veçantë morën pjesë drejtuesit më të lartë të Odës: Kryetari z.Mendi Qyra, Kryetari i nderit, Kryetari i Kuvendit, anëtarët e Këshillit Drejtues dhe Mbikëqyrës, anëtarë të Odës, si dhe Zyra Ekzekutive e udhëhequr nga Drejtori ekzekutiv z. Durim Zekiri.

Me këtë rast, Kryetari Qyra falënderoi zyrën ekzekutive për iniciativën dhe organizimin e këtij eventi kuptimplotë, si dhe anëtarët për pjesëmarrjen e tyre. Ai theksoi rëndësinë që ky marsh simbolik të kthehet në traditë, duke përcjellë mesazhin e unitetit dhe vizionit afatgjatë tek gjeneratat e ardhshme.

Ujëvarrat simbolizojnë rrjedhën e pandalshme, freskinë dhe rigjenerimin – ashtu si OEMVP, që për 20 vite me radhë ka qenë një burim i qëndrueshëm energjie dhe zhvillimi për bizneset në vend. Nga ana tjetër, marshi përfaqëson rrugëtimin kolektiv, përkushtimin dhe bashkëpunimin – vlera që e kanë shoqëruar Odën që nga themelimi i saj e deri më sot.

Ky marsh nuk ishte vetëm një ecje në natyrë – por një kujtesë e rrugëtimit 20-vjeçar dhe një angazhim për të vazhduar përkrah biznesit në çdo hap të së ardhmes.
Në kuadër të 20-vjetorit, OEMVP do të vazhdojë me një sërë aktivitetesh që do të pasqyrojnë rrugëtimin dhe ndikimin e saj ndër vite – gjithmonë në shërbim të komunitetit të biznesit dhe të ardhmes ekonomike të vendit.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...