Mickoski: Renditemi ndër pesë ekonomitë me rritje më të shpejtë në Evropë

Data:

Shpërndaje:

Kryeministri Hristijan Mickoski sot në konferencën për media informoi se sipas të dhënave të para të Entit Shtetëror për Statistikë (ESHS), në tremujorin e parë të vitit 2025 rritja reale e Bruto prodhimit vendor, që kur është zgjedhur kjo Qeveri, tremujori i tretë sipas rendit është 3 ose më shumë për qind, ndërsa norma e adaptuar sipas të dhënave sezonale dhe kalendarike 3,2 për qind.

“Ekonomia e Maqedonisë së Veriut radhitet në vendin e katërt, menjëherë pas Irlandës, Danimarkës dhe Polonisë. Ky është një rezultat shumë i rëndësishëm dhe nuk është rastësi, është rezultat i guximit, vizionit dhe punës shumë të palodhur”, tha Mickoski.

Sipas Mickoskit, kjo është dëshmi se kur shteti udhëhiqet në mënyrë të drejtë, por edhe me dije, me plan dhe me durim, rezultatet do të vijnë patjetër.

“E dinim që nuk duhet të humbim kohë. E mbyllëm kapitullin e stagnimit, pasigurisë dhe manipulimit. Hapëm një kapitull të ri të rritjes ekonomike, të vlerësimit të punës, të mbështetjes së sektorit privat, të konkurrencës së ndershme. Kjo rritje është një sinjal shumë serioz se reformat po japin rezultate, duke pasur parasysh se po flasim për tremujorin e parë të vitit i cili gjithmonë është më i dobëti dhe më sfiduesi”, shtoi Mickoski.

Ai theksoi se nëse duam deri në vitin 2030 për të qenë më lartë në shkallën ekonomike evropiane, duhet ta ruajmë rritje mesatare që do të jetë më e madhe se 4 për qind. Ai nënvizoi se suksesi nuk varet vetëm nga parametrat e brendshëm, por edhe nga faktorët e jashtëm.

“Duke pasur parasysh se mesatarja në kuadër të BE-së është 1,4 për qind, atëherë mund të themi se ne jemi dy herë e gjysmë më lartë se mesatarja, ndërsa në zonën euro është 1,2 për qind. Belgjika është 1,1 për qind; Gjermania është 0 për qind; Franca është 0,6 për qind; Italia është 0,7 për qind; Letonia është -0,3 për qind; Hungaria është -0,4 për qind; Austria është -0,7 për qind; Rumania është 0,5 për qind; Sllovenia është -0,8 për qind; Finlanda është 0,8 për qind, vendi fqinj, Serbia, ka një rritje prej 2 për qind në tremujorin e parë”, shtoi Mickoski.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...