Ka filluar mbjellja e duhanit e korrjes së këtij viti dhe në rajonin e Pellagonisë tashmë janë mbjellë rreth 25 për qind e sipërfaqeve. Sipas Unionit të shoqatave bujqësore, pritshmëritë janë të larta për prodhimin e duhanit të këtij viti, i cili është rritur për rreth 15 për qind.
“Këtë vit janë lidhur 33.000 kontrata me blerësit për prodhimin e 27.000 ton duhan në rreth 14.000 hektarë. Prodhimi i duhanit mbetet një degë bujqësore fitimprurëse”, tha Kire Risteski, kryetar i Unionit të shoqatave bujqësore.
Fermeri i ri i duhanit Goce Kebakoski nga Kadino Selo, Prilep, e ka pesëfishuar prodhimin e duhanit këtë vit dhe beson se është kultura bujqësore më fitimprurëse.
Në botë, pas Turqisë, Maqedonia është prodhuesi i dytë më i madh i duhanit aromatik. Ka mungesë dhe ja ku është mundësia për të arritur një çmim të mirë”, thonë nga Unioni i shoqatave bujqësore.
“Aktualisht, në të gjithë botën po dorëzohen 100 mijë ton duhan aromatik, ndërsa nevojat janë rreth 130.000 ton. Ka mungesë dhe kërkohet duhani i prodhuar në vend. Besoj se prodhimi është fitimprurës dhe konkurrues”, thotë Risteski nga Unioni i shoqatave bujqësore.
Janë paralajmëruar ndryshime në Ligjin për duhanin në dobi si të prodhuesve ashtu edhe të blerësve. Versioni i projektligjit me ndryshimet është përgatitur. Pritet mbështetja e qeverisë.
