Bexheti: 120 mln euro mbështetje financiare për bujqësinë

Data:

Shpërndaje:

Rritja e çmimeve të produkteve ushqimore bazë, është një nga faktorët kryesorë për rritjen e shportës së konsumatorëve për 4.2 përqind këtë muaj krahasuar me muajin e një viti paraprak. Këtë vit përpos masave të ndryshme të qeverisë për stabilitet të çmimeve janë paraparë dhe më shumë mjete për stimulim të sektorit të bujqësisë dhe atë 120 milion euro. Këto mjete do të jenë të ndara në kategori të ndryshme duke stimuluar mbështetje financiare për bujqësinë organike, agrokulturë por dhe me mjete financiare të pakthyeshme deri në 10 mijë euro për bujq të rinjë. 17 milion euro të tjera për stimulim të sektorit të bujqësisë do të mund të shfrytëzohen dhe nga fondet IPARD.

“Për vitin 2025 është paraparë një shumë prej 120 milion euro që do të realizohen nga programi për mbështetje financiare tani është veçse thirrja publike për aplikimin e bujqve të rinjë në shumë deri në 10 mijë euro që është një shumë relativisht e mirë pasi që janë mjete të pakthyeshme ku aty ka disa kritere, si për shembull mosha duhet jetë nga 18 deri në 40 vjeç nuk duhet dorëzohet më vonë se 18 muaj të regjistruar, duhet jenë të regjistruar në farm regjistër dhe janë disa mundësi të mira ku nëpërmjet këtyre financave mund të blejnë përgatitje të ndryshme për sektorin e bujqësisë.”, u shpreh për TVM2 zëvendës ministri i Bujqësisë, Pylltarisë dhe Ekonomisë së Ujërave, Flakron Bexheti.

Opsion Win-Win për shtetin dhe bujqit është edhe mundësia për të shfrytëzuar tokën bujqësore shtetërore me koncesion thotë Bexheti.

“Janë dorëzuar mbi 1600 oferta për dhënien me qira të tokës bujqësore në pronësi shtetërore 220 oferta për legalizim të mbjelljes shumë vjeçare të fidanëve të ndryshme dhe në bazë të këtyre numrave shohim interes të madh të bujqve. Ideja është që toka bujqësore shtetërore të jepet me koncesion ku edhe shteti ka një beneficion pasi që do grumbulloj një shumë të mjeteve por dhe bujqit pagesat varësisht prej sipërfaqes nuk janë të larta dhe mendoj se është interes i përbashkët për të nxitur bujqësinë pasi që është në rënie.”, tha Bexheti.

Sipas Bexhetit mosdhënia e rezultateve të pritura nga fondet shtetërore për përkrahje të produkteve bujqësore nga ana shtetërore është dhe keqpërdorimi i mjeteve financiare që jepen në formë subvencionimi e për të cilën premton se inspektimi do të jetë më i shpeshtë dhe nuk do të ketë tolerime.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...