Shporta minimale e sindikatës për muajin prill është 836 denarë më e lartë se ajo e muajit mars. Sipas LSM-së, në prill është 62.691 denarë, ndërsa në mars ishte 61.855 denarë, transmeton TV21. Sindikata thotë se për shkak të praktikave të padrejta tregtare nga disa tregtarë, masa e fundit e qeverisë për të kufizuar marzhet me të paktën 10 për qind ka dhënë efekt të përgjysmuar. Ndërkohë po vonohet publikimi i shportës konsumuese sipas përllogaritjes së qeverisë. Në vend që të jetë minimale, do të jetë mesatare dhe nuk do të mbulojë një familje me katër anëtarë, por një familje me tre anëtarë.
