Ministri i Ekonomisë Besar Durmishi, ka njoftuar se edhe zyrtarisht në Qeveri është miratuar vendimi me të cilin, bëhet rritja e pagës minimale për 2.685 denarë dhe tani e njëjta do të jetë 24.379 denarë.
Durmishi shkruan se ky vendim, dëshmon për përkushtimin e tyre për përmirësimin e standardit jetësor të qytetarëve.
“Sot, Qeveria miratoi informacionin për përcaktimin e pagës minimale për vitin 2025, duke zbatuar kriteret e përcaktuara me ligj ku paga minimale për vitin 2025 do të shënojë rritje prej 2,685 denarë në shumën bruto, përkatësisht 1,812 denarë në shumën neto.
Të përkushtuar në maksimum për përmirësimin e standardit jetësorë të qytetarëve!”, ka shkruar Durmishi.
