Kujdes çfarë flisni në praninë e Alexa, gjithçka dërgohet në Amazon

Data:

Shpërndaje:

Amazon ka vendosur që të gjitha kërkesat zanore për Alexa të dërgohen dhe përpunohen në cloud të Amazon. Nuk do të ketë më përpunim lokal.

Amazon ka njoftuar një ndryshim të rëndësishëm në mënyrën se si funksionojnë pajisjet e saj nga linja Echo, gjë që mund të shkaktojë shqetësim tek përdoruesit.

Duke filluar nga 28 marsi, të gjitha kërkesat zanore për Alexa do të dërgohen dhe përpunohen automatikisht në cloud të Amazon, pa asnjë aftësi përpunimi lokal në pajisje, transmeton Telegrafi.

Ky ndryshim do të thotë që përdoruesit nuk do të jenë më në gjendje të çaktivizojnë ruajtjen e regjistrimeve të tyre zanore, gjë që më parë ishte e mundur përmes cilësimeve të privatësisë.

Me fjalë të tjera, të gjithë pronarët e Echo do të duhet të pranojnë që të dhënat e zërit të tyre të përpunohen në serverët e Amazon ose të humbin funksionalitetin kryesor Alexa.

Për më tepër, është veçanërisht problematike që përdoruesit që më parë çaktivizuan opsionin për të ruajtur regjistrimet zanore, tani humbin qasjen në funksionin Voice ID, i cili lejon Alexa të njohë se kush po i flet dhe të ofrojë përgjigje të personalizuara, të tilla si përkujtues, rekomandime muzikore dhe njoftime kalendarike.

Sigurisht, ekziston edhe çështja e privatësisë së të dhënave zanore, por Amazon thotë se nuk ka nevojë të shqetësohet për këtë.

“Kërkesat zanore të Alexa janë gjithmonë të koduara gjatë transmetimit në cloud të sigurt të Amazon, e cila është projektuar me shtresa të shumta mbrojtjesh sigurie për të siguruar privatësinë e përdoruesit. Përdoruesit mund të zgjedhin ende nga një grup cilësimesh të privatësisë brenda panelit të kontrollit të privatësisë së Alexa ose duke klikuar seksionin “Alexa Privacy” brenda aplikacionit”, thuhet nga Amazon. /Telegrafi/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...