Adhuruesit e filmave që kanë një koleksion DVD me tituj të zgjedhur me kujdes, mund të dëshirojnë të kontrollojnë statusin e Warner Bros disqeve në koleksionin e tyre.
Gjegjësisht, rezultoi se qindra disqe të WB-së të lëshuar ndërmjet viteve 2006 dhe 2008 ishin subjekt i të ashtuquajturës kalbja e diskut, pra përkeqësimi që çon në ngrirje dhe gabime gjatë funksionimit ose dështim të plotë, transmeton Telegrafi.
DVD-të që janë ruajtur dhe përdorur siç duhet nuk duhet të përkeqësohen në një periudhë kaq të shkurtër kohore, duke sugjeruar se një problem serioz gjatë fazës së prodhimit preku disa disqe Warner Bros.
Në një deklaratë të publikuar nga faqja e filmit JoBlo, Warner Bros deklaroi se është në dijeni të problemeve që prekin disa DVD, dhe se kompania po punon në mënyrë aktive për të zëvendësuar disqet e dëmtuar.
Problemi, me sa duket, mbulon një gamë të gjerë titujsh, duke përfshirë filmat klasikë të Hollivudit si 2001: A Space Odyssey dhe filmat Superman, si dhe seritë e njohura të animuara si Looney Tunes Collections dhe Batman: The Animated Series. /Telegrafi/
