Qeveria nuk po bën asgjë, e ka ndalur procesin e rritjes së pagave, nuk pranon asnjë propozim që është në interes të qytetarëve për uljen e çmimeve dhe faturave të rrymës, qytetarët po vuajnë nga paaftësia e tyre, tha kryetari i LSDM-së, Venko Filipçe në Kriva Pallankë.
“Kryeministri del dhe thotë ne jemi të shkëlqyer në ekonomi, jemi të parët”. Ne jemi të shkëlqyer dhe të parët në çfarë? Në faktin se çmimet e energjisë elektrike janë rritur me 30%? “Në atë që çmimet në tregje po rriten në mënyrë të pakontrolluar?” pyeti Filipçe.
Ai ka theksuar se Qeveria nuk po bën asgjë për të parandaluar jostabilitetin ekonomik.
“Në një situatë të vështirë ekonomike, pagat duhet të rriten, të ketë kontrolle të çmimeve, të ketë mbështetje për kompanitë dhe të kursehen vendet e punës. Por kjo qeveri nuk po bën asgjë. Ata nuk kanë dëshirë të ulen në këshillin ekonomiko-social dhe as të marrin këshilla për të bërë diçka në interes të qytetarëve”, theksoi Filipçe.
