Presidenti Amerikan Donald Trump zbuloi ditën e Marte një plan financimi prej 500 miliardë dollarësh për infrastrukturat private të inteligjencës artificiale ndërsa Shtetet e Bashkuara synojnë të tejkalojnë shtetet rivale në teknologji kritike.
Trump tha se krijuesi i ChatGPT OpenAI, SoftBank dhe Oracle kanë planifikuar të krijojnë një sipërmarrje të përbashkët quajtur Stargate e cila sipas tij do të ndërtojë qendra të dhënash dhe të krijojë mëse 100 mijë vende pune në SHBA.
Këto kompani, së bashku me mbështetës të tjerë të Stargate, kanë premtuar 100 miliardë dollarë investim, ndërsa pjesa tjetër do të investohet në katër vitet e ardhshme.
CEO i SoftBank Masayoshi Son, CEO i OpenAI Sam Altman dhe CEO i Oracle Larry Ellison ishin në Shtëpinë e Bardhë për lançimin e këtij plani. Qendrat e para të të dhënave do të ndërtohen në Teksas.
Në total 20 të tilla do të ndërtohen dhe projekti mund të shfrytëzohet për të mbështetur analizën e rekordeve shëndetësore përmes AI tha Larry Ellison.
Lajmi vjen një ditë pasi Trump mori drejtimin duke anuluar urdhrin ekzekutiv të Biden për inteligjencën artificiale e cila kishte për qëllim reduktimin e rreziqeve që vinë nga AI ndaj konsumatorëve, punonjësve dhe sigurisë kombëtare.
