Shkup, 23 qershor – Komisioni për sistem politik dhe marrëdhënie mes bashkësive në mbledhjen e sotme të 33-të i miratoi Propozim ligjet për të punësuarit në sektorin publik, për nëpunësit e administratës dhe për përsosjen dhe trajnimin profesional të punësve të administratës në lexim të parë dhe i dha për në procedurë të mëtutjeshme kuvendore.
Ministri Goran Minçev në fjalimin e tij nga foltorja i arsyetoi Propozim ligjet para anëtarëve të pranishëm të Komisionit. Ai tha se ndryshimet në administratën publike janë të nevojshme menjëherë.
“Dëshiroj të dërgoj porosi të qartë, dhe ajo është porosia kryesore ndaj këtyre tre zgjidhjeve kryesore ligjore, diçka që na përket të gjithëve, e ajo është se ndryshime në administratën publike nevojiten menjëherë. Më duhet të theksoj se jam mjaft i kënaqur nga ky proces, nuk u mbyll në kabinet, ihste inkluziv transparent me përfshirje aktive të të gjitha palëve të prekura. Këtu mendoj për institucionet, shoqatat, komunitetin akadmeik, sindikatat dhe të gjitha institucionet të cilat dalin nga vetëqeverisja lokale”, theksoi Minçev.
Minisstri tha se janë dëgjuar të gjitha propozimet dhe vërejtjet para se të miratohej përmbajtja.
Vendosim, shtoi, mobilitet dhe proces të drejtë të avancimit në bazë të meritave dhe kritereve të qarta, mundësojmë transparencë dhe kontroll të plotë të të punësuarve.
Konsiderojmë, tha ai, se krijimi i Akademisë për administratë është organ qendror në ministri dhe se do të jetë motor i zhvillimit të praktikave më bashkëkohore evropiane. Gjithashtu në këtë akdemi parashohim përfshirje të administratorëve me prëvojë si trajnues me motivim dhe shpërblim financiar.
Anëtarët e Komisionit nuk u paraqitën për fjalë, pas çka votuan dhe i lëshuan propozimet në lexim të mëtutjeshëm në Kuvend.
