Meta ka nisur një iniciativë të re për të motivuar përdoruesit të krijojnë përmbajtje dhe të ndajnë fotografi dhe video në Facebook.
Meta ka njoftuar se krijuesit në programin Content Monetization të Facebook tani mund të fitojnë para duke i lejuar njerëzit të shohin Facebook Stories të tyre.
Duke marrë parasysh mënyrën e thjeshtë të publikimit të përmbajtjes, Stories përfaqëson një mundësi mjaft të lehtë për krijuesit që të fitojnë shtesë nga përmbajtja që publikojnë në Facebook.
Ky mënyrë e re pagese është vetëm përpjekja më e fundit e Metës për të nxitur krijuesit që të publikojnë përmbajtje në Facebook në vend të Instagram ose aplikacioneve të tjera. Në janar, kompania prezantoi programin e bonuseve, i cili ofron 5000 dollarë për krijuesit që tashmë kanë një prani në një platformë tjetër të mediave sociale, për të publikuar një sasi të caktuar fotografish dhe videosh në Instagram dhe Facebook.
Koha e prezantimit të programit tregon qartë se Meta dëshiron të tërheqë krijuesit që do të humbin shpejt qasjen në TikTok. Administrata e presidentit amerikan, Donald Trump përkohësisht “shpëtoi” rrjetin social, duke i dhënë kohë krijuesve për të vepruar, por Meta po përpiqet ta shfrytëzojë kaosin në maksimum. /Telegrafi/
