Inspektorati i Tregut ka konstatuar parregullsi në markete dhe objekte të tjera të shitjes me pakicë në mbarë vendin. Sipas zëvendësministrit të Ekonomisë dhe Punës, Marjan Ristevski, janë zbuluar shkelje në etiketimin e produkteve me çmime të reduktuara, marzhet dhe çmimet. Javën e ardhshme do të shqiptohen gjoba, ndërsa për shkeljet më serioze është e mundur edhe mbyllja e marketeve.
“Ka parregullsi në etiketimin e produkteve me zbritje, në përcaktimin e marzheve, çmimeve, në evidencën kontabël… Javën e ardhshme do të shqiptohen gjoba për më të pa disiplinuarit, sipas ligjeve me të cilat operon inspektorati shtetëror, por dua të theksoj se në ligjin për tregti, një nga masat më të reja është mbyllja e disa marketeve”, tha Marjan Ristevski
