Një pjesë e madhe e Maqedonisë së Veriut mbeti pa energji elektrike mbrëmjln e djeshme, ndërsa në disa zona furnizimi është rikthyer sot pas orës 6 të mëngjesit.
Ndër qytetet që mbetën pa energji ishin Shkupi, Koçani, Prilepi, Gjevgjelia, Shtipi dhe Kumanova. Ende nuk ka sqarim zyrtar për shkakun konkret të ndërprerjes së furnizimit me energji elektrike, por priten më shumë detaje gjatë ditës.
Nga qendra e kontaktit e EVN-së është bërë e ditur se bëhet fjalë për një defekt të madh, por që nuk është përgjegjësi e operatorit të shpërndarjes së energjisë elektrike. Sipas tyre, problemi është te sistemi.
