Pas skadimit të afatit, mbi 13 mijë tatimpagues nuk i kanë shlyer detyrimet e korrikut
Pas skadimit të afatit për pagesën e akontacioneve të korrikut për tatimin mbi fitimin dhe pagesën e pagave me kontribute, Drejtoria e të Ardhurave Publike konstatoi se 2.129 tatimpagues nuk i kanë paguar akontacionet, ndërsa 11.555 nuk kanë deklaruar dhe paguar pagat bruto dhe kontributet për korrik.
UJP ka dërguar njoftime të personalizuara dhe u bën apel obliguesve që menjëherë të shlyejnë borxhet. Një pjesë e obligimeve të papaguara mund të mbulohen me kompensim, por kjo nuk i përjashton nga përgjegjësia ligjore.
Mjetet janë kyçe për financimin e shërbimeve publike, shëndetësisë, arsimit dhe sigurisë sociale. UJP paralajmëron se së shpejti do të ndërmerren masa ligjore për mbledhje të detyruar.
