Ndërmarrja publike “Trepça” ka njoftuar se edhe gjatë ditës së sotme i’a ka ndërprerë marrëdhënien e punës edhe një punëtori tjetër, inicialet e të cilit janë A.V.
Sipas njoftimit, i njëjti ka kryer shkelje të rëndë të detyrave të punës sepse ka munguar në punë 42 ditë.
“Me datën 29.01.2025 Komisioni Disiplinor ka mbajtur shqyrtimin publik lidhur me rastin e z.A.V pas mbajtjes së shqyrtimit publik Komisioni Disiplinor ka vërtetuar se i njëjti ka kryer shkelje të rendë të detyrave të punës nga neni 10 paragrafi 1 nën paragrafi 1.27 i Rregullores nr.prot: 2906 dt. 30.07.2020 për përgjegjësinë disiplinore dhe materiale të punëtorëve të Trepça Sh.A, për shkak se i njëjti ka munguar në punë që nga data 19.12.2024 ku në total i bie ditë kalendarike”, thuhet në njoftim.
Për këtë arsye, komisioni disiplinor ka shqiptuar masën disiplinore ndërprerja e marrëdhënies së punës për A.V.
