Dy kompani të mëdha të inteligjencës artificiale (IA) thuhet se po lançojnë shfletues uebi për të rivalizuar dominimin e Google Search.
Perplexity AI njoftoi se lançoi ‘Comet’, një motor kërkimi i pavarur për Mac dhe Windows që anashkalon shfletuesit tradicionalë si Google Chrome ose Safari i Apple.
Motori i kërkimit është deri më tani i disponueshëm vetëm për njerëzit e abonuar në Perplexity Max dhe një grup të vogël njerëzish që morën ftesa për të provuar platformën e re.
Në një demonstrim të motorit të ri të kërkimit, një përdorues kërkon në Perplexity dhe i kërkon atij të hartojë një listë blerjesh për dy pjata që mund të aksesohen në një faqe interneti ushqimore, dhe më pas gjeneron një recetë për ta përgatitur atë.
Ndërkohë, nuk dihet shumë ende rreth projektit të OpenAI, por dy burime i thanë Reuters se shfletuesi do t’i mbajë ndërveprimet e përdoruesve me chatbot-in e inteligjencës artificiale ChatGPT në vend që të klikojë në faqet e ndryshme të internetit.
Lansimi i shfletuesit është pjesë e strategjisë së OpenAI për të ndërthurur shërbimet në jetën personale dhe të punës së njerëzve./CNA
