30–31 mars 2026, Budapest – U.D. Kryetari i OEMVP-së, Nuhi Aliu, mori pjesë në ngjarjen promovuese ndërkombëtare të organizuar në kuadër të projektit “Promovimi i Hartës për Investime”, e dedikuar për komunitetin e biznesit dhe me fokus në thellimin e bashkëpunimit ekonomik ndërmjet Maqedonisë së Veriut dhe Hungarisë.
Në këtë ngjarje morën pjesë edhe kompani anëtare të OEMVP-së, përfshirë Neting Institute, BIS OIL, Qendra Rea dhe Magna Group, si dhe përfaqësues të lartë të Qeverisë së Maqedonisë së Veriut, duke dëshmuar angazhimin aktiv të sektorit privat dhe mbështetjen institucionale në promovimin e mundësive investuese dhe zgjerimin e bashkëpunimit ndërkombëtar.
Gjatë aktivitetit, u prezantua Harta e Investimeve e Republikës së Maqedonisë së Veriut, ku u elaboruan në detaje mundësitë investuese, përfitimet për investitorët, sektorët kyç të zhvillimit, si dhe avantazhet konkurruese që ofron vendi.
