Çmimi i arit ka arritur në nivele tejet të larta, edhe atë mbi 4,000 dollarë për ons. Që nga viti i kaluar, çmimi i arit është rritur me mbi 100%, pra në vitin 2024, qytetarët për një gram paguanin rreth 70 euro, ndërsa këtë vit mbi 140 dollarë. Sipas ekspertit ekonomik Gadaf Rexhepi, arsyet kryesore të rritjes së çmimit të arit janë pasiguria politike dhe ekonomike në shkallë globale, si dhe tensionet gjeopolitike që krijojnë frikë nga rritja e pakontrolluar e borxhit publik. Rexhepi thotë se në të njëjtën kohë, bankat qendrore kanë rritur kërkesën e tyre për ar.
” Ari është një produkt shumë specifik. Është një instrument investimi, por në kuptimin që ata që blejnë më shpesh e ruajnë, bankat qendrore nuk e rishesin më tej, e mbajnë dhe për këtë arsye është shumë i ndjeshëm ndaj ndjeshmërisë së çmimeve, sepse një rritje e vogël e kërkesës do të ndikojë jashtëzakonisht shumë në çmim. Sigurisht, njoftimet për ulje të normave të interesit dhe kjo ndikoi, pasi investitorët e dinë se kjo do të shkaktojë më tej rritjen e çmimit të arit dhe kjo është arsyeja pse kjo është një kërkesë më e lartë, aktualisht në rritje“, tha Gadaf Rexhepi, ekspert ekonomik .
Por artarët vendas ankohen se çmimet e larta ulin kërkesën. “Askush nuk dëshiron të blejë, madje as edhe një person që hyn në dyqan”, thonë ata.
„Ndikon, ndikon sepse çmimi me të vërtetë është i lartë. Fuqia blerëse dihet sa është. Ky është çmim global nuk varet nga ne. Pothuajse nuk blejnë asgjë. Me të vërtetë çmimi është shumë i lartë, për standardin tonë i papërballueshëm”, tha Ismet Ejupi – Artar.
Qytetarët thonë se shmangin blerjen e arit për shkak të çmimit të lartë.
Anketë me qytetar
“Unë do të blija ar vetëm të papërpunuar, në vend që të ruaj para dhe deviza do të ruaja ar.”
“Mendoj se buxheti ynë ekonomik ka rënë.”
“Është shumë shtrenjtë, vetëm kur bëhet fjalë për dasma njerëzit blejnë, ndryshe është shumë shtrenjtë. Para disa ditëve 100 mijë euro u bë një kilogram ari, dhe para 30 Viteve ishte 10 mijë – 20 mijë marka.”
Nga viti 2022 deri në vitin 2025, çmimi i arit është rritur për 150%./Alsat.mk
