Shkup, 14 korrik – Me siguri të enjten do të mbahet takimi me komunat për të nënshkruar marrëveshjet nga thirrja e dytë publike pastaj ato do të mund të publikojnë shpalljet për projektet, tha sot kryeministri Hristijan Mickoski. Ai informon se mbi 150 milionë euro nga kredia hungareze përmes bankave komerciale janë transferuar në biznes, ndërsa për vetëqeverisjet lokale këtë vit janë parashikuar rreth 200 milionë euro.
“Deri në këtë moment gjysmë miliardë ose rreth 500 milionë euro nga kredia hungareze janë shpenzuar për të kthyer euroobligacionin e marrë në vitin 2018. Informacioni i fundit që e kam, lidhur me kreditë ndaj ekonomisë, është se ajo shifër është mbi 150 milionë euro të cilat janë ndarë përmes bankave komerciale në biznes, ndërsa për komunat në Buxhet për këtë vit kemi paraparë rreth 200 milionë euro”, theksoi Mickoski.
Me thirrjen e dytë për komunat dhe nënshkrimin e marrëveshjeve, tha kryeministri, do të rrumbullakohet shuma e përgjithshme e mjeteve nga kredia hungareze – për kthimin e borxheve të vjetra dhe për zhvillimin e investimeve kapitale të shtetit.
