Japonia ka prezantuar një ‘makinë larëse njerëzore’ futuriste, një pajisje e fuqizuar nga AI, e aftë për të larë dhe tharë njerëzit brenda 15 minutave. Zhvilluar nga kompania japoneze Science Co., kjo risi ka marrë emrin “Mirai Ningen Sentakuk”. Sistemi me Al personalizon ciklin e larjes bazuar në llojin e lëkurës së përdoruesit. Si do të funksionojë?
Ju futeni në një makinë transparente që mbushet përgjysmë me ujë të ngrohtë, më pas ajo lëshon fluska mikroskopike që shpërthejnë në kontakt me lëkurën tuaj, duke hequr papastërtitë. Teknologjia AI rregullon temperaturën dhe presionin e makinës për rehati maksimale. Ajo fokusohet gjithashtu në mirëqenien mendore. Analizon gjendjen tuaj emocionale dhe projekton pamje qetësuese në brendësi për t’ju relaksuar. Kur do të lançohet?
Frymëzuar nga një koncept i ngjashëm i paraqitur në vitet 1970 nga Sanyo Electric, ky version i modernizuar do të debutojë në Osaka Expo 2025, ku 1000 pjesëmarrës do ta përjetojnë atë drejtpërdrejt. Pas provës së saj, makina pritet të hyjë në prodhim masiv, duke premtuar se do të revolucionarizojë higjienën personale dhe relaksimin.
