Kompanitë logjistike të Gjermanisë kanë dhënë sot një lloj alarmi: Dhjetëra mijëra kamionë janë pa punë për shkak të mungesës së shoferëve. Situata mund të përkeqësohet, paralajmërojnë shoqatat gjermane.
Pa shoferë asnjë paletë nuk do të arrinte në supermarket dhe asnjë pako nuk do të arrinte në fabrika
“Aktualisht ka një mungesë prej 120,000 shoferë kamionësh e më shumë”, thotë Dirk Engelhardt, zëdhënës i bordit të Shoqatës Federale Gjermane të Transportit Rrugor, Logjistikës dhe Asgjësimit të Mbeturinave (BGL).
Hendeku pritet të zgjerohet, sepse afërsisht 30,000 deri në 35,000 shoferë dalin në pension çdo vit, ndërsa vetëm 15,000 deri në 20,000 shoferë të rinj janë në dispozicion për t’i zëvendësuar ata.
Pasojat janë tashmë të dukshme. Shumë kompani transporti po i ndalojnë kamionët ose po anulojnë porositë thjesht sepse u mungon personeli i nevojshëm. Të tjerë nuk po marrin më pjesë në tendera, pasi rritja mbi mesataren e kostove të personelit për shkak të mungesës së shoferëve shpesh nuk mund të mbulohet nga tarifat e mallrave.
Pse shumë pak njerëz e duan këtë punë: Profesioni i shoferit të kamionit konsiderohet i lodhshëm dhe nuk paguhet shumë mirë.
Paga mesatare bruto në Gjermani, sipas Gehalt.de, është zakonisht midis 2,700 dhe 3,500 euro në muaj. Për shumë njerëz, kjo është e pamjaftueshme duke pasur parasysh kërkesat e punës.
Kliko KËTU profilin Bahri Cani
