Pas një periudhe të gjatë në rënie të lirë, monedha Euro është ringritur gjatë ditëve të fundit sipas kursit zyrtar të Bankës së Shqipërisë duke u afruar pranë kufirit të 100 Lekëve në këmbimin valutor.
Sipas kursit zyrtar të Bankës së Shqipërisë, 1 Euro blihet me 98.8 Lekë, ndërsa shitet me 99.8 Lekë në të gjitha pikat e këmbimit valutor.
Ky është niveli më i lartë i regjistruar që prej Gushtit të vitit të kaluar, periudhë e cila përkon edhe me kulmin e sezonit turistik, kohë e cila ka prurje më të shumta të valutave e aq më tepër të monedhës europiane.
