Nga Drejtoria e Doganave njoftojnë se doganierët dhe ekipet mobile të doganës mes tjerash kanë konfiskuar në disa raste të ndryshme 92 gramë pllaka dhe monedha ari, pajisje “Apple”, 37.500 euro, cigare, parfume dhe rroba fëmijësh me marka të mbrojtura tregtare, përcjell TV21.
“Pllaka ari me peshë 53 gramë dhe 11 monedha ari me peshë 39 gramë u gjetën gjatë kontrollit të bagazhit të një shtetasi turk, në dalje nga shteti, në pikën kufitare të Aeroportit Ndërkombëtar të Shkupit. Vlera e vlerësuar e arit arrin 538 mijë denarë. Në një rast tjetër, doganierët nga Aeroporti Ndërkombëtar i Shkupit gjatë kontrollit të bagazhit të një udhëtari, shtetas të Maqedonisë, që kishte ardhur me fluturim nga Londra, gjetën dy laptopë dhe një telefon mobil të markës “Apple”. Gjithsej 37.500 euro u konfiskuan nga ekipet mobile të doganës në dy raste të ndara gjatë hyrjes në shtet në pikën kufitare “Tabanoc”. 96 kuti cigare pa pulla akcize dhe 34 rripa për sigurimin e ngarkesave në automjete transportuese u zbuluan në dy raste të ndara në pikën kufitare Novo Sellë”, thonë nga Drejtoria e Doganave.
