Pas ndikimit të gripit të shpendëve në industrinë e vezëve në SHBA, çmimi global i vezëve është bërë një “pikë qendrore diskutimi” për konsumatorët.
Kështu, çmimi mesatar i vezëve në BE u rrit me 6.7% në mars 2025 krahasuar me mars 2024, sipas shifrave të fundit nga Eurostat, shkruajnë mediat e huaja, përcjell Telegrafi.
Republika Çeke përjetoi normën më të lartë të inflacionit vjetor për vezët me 46.0%, e ndjekur nga Sllovakia me 29.8% dhe Hungaria me 26.1%.
Në anën tjetër, Holanda përjetoi uljen më të madhe të çmimeve të vezëve, me një rënie prej 3,6%, e ndjekur nga Luksemburgu me 3,2% dhe Greqia, ku çmimet ranë me 2,0%.
Deri më tani në vitin 2025, çmimet e vezëve kanë vazhduar të rriten, me një rritje prej 3,4% në janar dhe një rritje prej 4,1% në shkurt, krahasuar me të njëjtët muaj të vitit 2024.
Ndërkohë, viti 2024 pa ritme negative ndryshimi në 10 nga 12 muaj krahasuar me vitin 2023.
Megjithatë, rritjet në vitin 2025 kanë qenë më të vogla se ato të vërejtura në 2022 dhe 2023, ku çdo muaj midis prillit 2022 dhe shtatorit 2023 shënuan rritje dyshifrore.
Më e madhja ishte 31.2% në shkurt 2023 krahasuar me të njëjtin muaj të vitit 2022.
Në vitin 2024, Franca ishte prodhuesi kryesor i vezëve me 942,000 tonë, e ndjekur nga Gjermania Spanja dhe Italia.
