Armëpushimi mes SHBA-së, Izraelit dhe Iranit është pritur me interes të madh nga tregtarët e naftës.
Rruga jetike e transportit detar, Ngushtica e Hormuzit – përmes së cilës kalon rreth një e pesta e gazit natyror të lëngshëm dhe naftës bruto në botë – është rihapur. Kalimi i sigurt nëpër të është konfirmuar edhe nga Irani të mërkurën.
Menjëherë pas arritjes së armëpushimit dyjavor, çmimet e naftës kanë pësuar rritje të ndjeshme, duke u rritur me më shumë se 13.5%, në 94 dollarë për fuçi për naftën bruto Brent, që shërben si pikë referuese globale.
Prodhimi është ngadalësuar në shtetet kryesore prodhuese të naftës në Lindjen e Mesme dhe nuk pritet të rikthehet shpejt në nivelet e mëparshme, çka nënkupton se problemet me furnizimin do të vazhdojnë.
Para se SHBA-ja dhe Izraeli të nisnin sulmet, çmimi i naftës ishte rreth 72 dollarë për fuçi, ndërsa mesatarja e vitit të kaluar ishte 69 dollarë.
